Subscribe to Morgunblaðið feed
Forsíðufréttir mbl.is
Updated: 47 min 22 sec ago

Bílvelta á Reykjanesbraut

Tue, 12/11/2018 - 02:26
Flutningabíll valt við Kúagerði á Reykjanesbraut rétt fyrir klukkan tíu í morgun en bálhvasst er á Suðurnesjum. Samkvæmt upplýsingum frá Brunavörnum Suðurnesja er bílstjórinn ekki talinn alvarlega slasaður.

Skiptir „noise cancelling“ máli?

Tue, 12/11/2018 - 01:20
Heyrnartól sem útiloka umhverfishljóð eru orðin gríðarlega vinsæl og miklar líkur á að slík tæki rati í einhverja jólapakka í ár. En haldast gæði og verð í hendur? Árni Matthíasson, blaðamaður og umsjónamaður „Græjuhornsins“ í síðdegisþættinum á K100, fór yfir þau atriði sem honum finnst skipta máli.

Fljúgandi hálka á Akureyri

Tue, 12/11/2018 - 00:05
Fljúgandi hálka og mikil hláka er nú á Akureyri að sögn lögreglu sem varar ökumenn og gangandi vegfarendur við. „Það er alveg glærasvell,“ sagði vaktstjóri lögreglunnar í samtali við mbl.is. Hefur hálkan þegar valdið því að flutningabíll með gám aftan í fór út af veginum í Kræklingahlíð.

Ákærður fyrir nauðgun

Tue, 12/11/2018 - 00:04
Embætti héraðssaksóknara hefur ákært karlmann fyrir nauðgun í september í fyrra. Maðurinn er samkvæmt ákæru sagður hafa haft samræði og önnur kynferðismök við konuna án hennar samþykkis.

Bóndadagurinn verður 25. janúar

Tue, 12/11/2018 - 00:00
Sums staðar á netinu og í einhverjum prentuðum dagbókum er að finna rangar upplýsingar um það hvenær bóndadagur er á næsta ári. Bóndadagur verður samkvæmt traustustu heimildinni, Almanaki Háskólans, 25. janúar 2018.

Stormur er menn halda í vinnu

Mon, 12/10/2018 - 23:50
Tekið er að hvessa af suðaustri og verður kominn stormur með rigningu eða súld víða sunnan- og vestanlands er menn halda í vinnu og skóla. Eru ökumenn „því beðnir að fara varlega, einkum nærri fjöllum á Suður- og Vesturlandi þar sem öflugir vindstrengir með tilheyrandi vindhviðum geta myndast.“

Leiðir þjálfaranna skilja

Mon, 12/10/2018 - 23:15
Heimir Hallgrímsson hefur verið ráðinn þjálfari katarska knattspyrnufélagsins Al Arabi. Þetta staðfesti félagið í gær en Heimir verður kynntur fyrir fjölmiðlum í Doha í dag á hádegi að staðartíma, eða klukkan níu að morgni að íslenskum tíma.

Mun efla ferðaþjónustu

Mon, 12/10/2018 - 21:30
Mikil lækkun olíuverðs eykur líkur á að ferðaþjónustan muni vaxa í takt við spár. Það gæti reynst þungvægt. Greining Analytica fyrir samgönguráðuneytið bendir þannig til að flugfargjöld hafi mikil áhrif á fjölda skiptifarþega og ferðamanna.

Fallið verði frá dómsmáli

Mon, 12/10/2018 - 21:30
Stjórn Sambands sveitarfélaga á Suðurnesjum (SSS) lýsir yfir miklum vonbrigðum með afstöðu samgöngu- og sveitarstjórnarráðuneytisins sem hún segir krefjast þess að SSS afturkalli skaðabótamál gegn ríkinu.

Vatnsleki á Landspítala

Mon, 12/10/2018 - 16:00
Kalla þurfti til slökkvilið vegna vatnsleka á Landspítalanum við Hringbraut á ellefta tímanum í kvöld. Um var að ræða lítið rör við vask sem hafði farið í sundur. Einn og hálfan tíma tók að ná vatninu burt.

Voyager 2 yfirgefur sólkerfið

Mon, 12/10/2018 - 15:29
Geimfarið Voyager 2 hefur nú fylgt farinu Voyager 1 eftir og yfirgefið sólkerfið, rúmlega 41 ári eftir að því var skotið á loft með það að markmiði að rannsaka ystu plánetur sólkerfisins.

Íslenska jólabjórnum vel tekið í Færeyjum

Mon, 12/10/2018 - 15:13
„Þetta var frábær helgi og við þurftum meira að segja að bæta við aukaviðburði,“ segir Sunneva Háberg Eysturstein, veitingakona í Þórshöfn í Færeyjum. Sunneva er framkvæmdastjóri Bjórkovans og Sirkuss og á fyrrnefnda staðnum var haldin kynning á jólabjórum frá íslenska brugghúsinu Borg á dögunum.

Íslenska jólabjórnum vel tekið í Færeyjum

Mon, 12/10/2018 - 15:13
„Þetta var frábær helgi og við þurftum meira að segja að bæta við aukaviðburði,“ segir Sunneva Háberg Eysturstein, veitingakona í Þórshöfn í Færeyjum. Sunneva er framkvæmdastjóri Bjórkovans og Sirkuss og á fyrrnefnda staðnum var haldin kynning á jólabjórum frá íslenska brugghúsinu Borg á dögunum.

Risakengúran Roger fallin frá

Mon, 12/10/2018 - 15:03
Kengúran Roger, sem vakti heimsathygli fyrir stærð sína og líkamsbyggingu, er allur, en hann var orðinn tólf ára gamall. Roger var bjargað eftir að móðir hans varð fyrir bíl og var alinn upp á verndarsvæði fyrir kengúrur í Alice Springs í Ástralíu.

Biðu í á fjórðu klukkustund

Mon, 12/10/2018 - 14:35
Allir landgangar á Keflavíkurflugvelli, nema einn, voru teknir í notkun rétt eftir kl. 21 í kvöld og var þegar hafist handa við að koma fólki frá borði. Farþegar í nokkrum flugvélum höfðu setið fastir, en landgöngubrýr voru teknar úr notkun vegna hvassviðris.

Afklæddust á toppi Pýramídans mikla

Mon, 12/10/2018 - 14:30
Yfirvöld í Egyptalandi hafa nú til skoðunar myndband þar sem danskt par virðist hafa klifið Pýramídann mikla og setið fyrir nakið, en myndbandið hefur vakið mikla reiði meðal egypsku þjóðarinnar.

Nokkur útköll vegna vonskuveðurs

Mon, 12/10/2018 - 13:15
Björgunarsveitir á Suðvesturlandi hafa verið kallaðar út í nokkur minni verkefni síðdegis og í kvöld vegna veðurs á Kjalarnesi, Suðurnesjum og í Vestmannaeyjum.

Gátu ekki sest á þing vegna anna

Mon, 12/10/2018 - 13:09
Tveir varamenn voru á undan Ellert B. Schram í röðinni eftir að ljóst var að Ágúst Ólafur Ágústsson, þingmaður Samfylkingarinnar, væri farinn í tveggja mánaða leyfi frá þingstörfum. Hvorugur varamannanna sá sér fært að taka sæti á þingi fyrir jól.

Sitja fastir í flugvélum vegna veðurs

Mon, 12/10/2018 - 12:18
Farþegar sitja fastir í sex flugvélum á Keflavíkurflugvelli en ekki er hægt að hleypa þeim inn í flugstöðvarbygginguna vegna ofsaveðurs. Auk þess situr áhöfn föst í sjöundu vélinni.

„Stórt alþjóðlegt vandamál“

Mon, 12/10/2018 - 12:10
„Þarna var dregin upp raunsæ mynd af því að plastmengunin er stórt alþjóðlegt vandamál,“ sagði Guðmundur Ingi Guðbrandsson, umhverfis- og auðlindaráðherra eftir að hafa tekið þátt í pallborðsumræðum um plast, samhliða loftlagsráðstefnu Sameinuðu þjóðanna.

Pages

Morgunblaðið